boigon hethe be temxere jalin habxaha bithe de pilehe gisun

jahari

ubaliyambuha uqulen juru gisun irgebun fujurun

翻译词联诗赋

赫
文
转写整理

白山市第二十五中学
教师
（白山市
江源区
弯沟镇）

boigon hethe be temxere jalin habxaha bithe de pilehe gisun

giyangsi goloi bithei xungsi xen jung Rin, boigon i jurgan i kungge yamun i gisurere hafan xen jung i, boigon hethe be temxere jalin bithe alibufi habxaha de, julergi jyli goloi ioi halangga uheri kadalara amban fulgiyan fi i pilefi, yamun i duka de latubume tuqibuhe be ahvn deo tuwafi gosiholome songgohoi bederefi jai temxerakv oho, terei pilehe gisun, kuweqihe deberen be hvlara gaha karu uleburengge gosin inu, buhv orho be bahafi duwali de sakini seme murara, hibsu ejen ilha be sabufi geren be isakini seme guwelerengge, jurgan inu, honin i deberen niyakvrahai huhume simire, morin terei eme be gidaxarakvngge, dorolon inu, helmehen asu arafi jemengge be butara, yerhuwe yeru be butulefi muke be daliburengge, mergen inu, qoko gerere erin waka oqi hvlarakv, qibin boihoju uquri waka oqi isinjirakvngge, akdun inu, gasha gurgu de hono sunja enteheme i banin bisire bade, niyalma tumen jakai ulhisungge bime emu haqin be baharakv mujanggao, mafari werihe hethe i ser sere baitai jalin temxehei, gala bethe i gese amba jurgan be efulehebi, ahvn tumen debtelin i bithe be hafuka gojime, umai deo be taqibure erdemu akv, deo kungge yamun i tuxan de dalaha be dahame, ahvn be kokirabume yabuqi aqarakv, xen jung Rin gosin i Rin sere hergen be gebu obuqibe gosin akv, xen jung i jurgan i i sere hergen be gebu obuqibe jurgan akv, endebuku biqi urunakv hala, dahime gvniqi aqambi, banjiha ahvn deo serengge gemu emu eme de banjihangge, mafari werihe hethe be aiseme temxembi, emu mudan aqaqi emu mudan sei baru ome genembi, bahafi ahvn deo ojorongge giyanakv udu erin bini sehe.