满族在线

 找回密码
 马上加入
查看: 706|回复: 2

[现当代文学] Sucungga的满语灵异故事(五)

[复制链接]
发表于 2018-7-15 21:45:42 | 显示全部楼层 |阅读模式
看不到图片也不要紧,因为图片跟正文基本没关系~~




6 biyai 13 inenggi de᠈ Minggantu᠈ Degelei i baru boljome toktobuhe cai puseli i dolo teme bisirede᠈ munahūn i ini aššafun be ebsi casi forgošombi᠉ i uthai Harjol i jongko bayan i jui᠉




6月13日,明安图正坐在和德格类约定好的茶庄里,百无聊赖地把手机翻过来调过去。他就是海兰珠提到的那个富二代。




Degelei jai Fiyanggū puseli i duka neifi᠈ okdonjire uilesi be unggifi Minggantu i baru yabure be Minggantu sabufi gala lasihime cembe ini hanciki de jibuhe᠉




德格类和费扬武进了茶庄的门,应付了上来迎接的服务员后,朝着明安图走去。明安图看见了,也挥手招呼他们过去。




Minggantu gala tucibufi Degelei jai Fiyanggū i baru gala jafandufi injeme hendume:"giyarici kani sa᠈ bi medege be baha bahai tulergi ba ci amcame bederefi suweni weileran de acabuki serengge antaka" serede᠈ Degelei ini dobori soktoro be sure unde be serefi᠈ heni šenggin hiterehe᠉




他伸出手来,和德格类、费扬武互相握手,笑着说:“警察同志们,我一收到消息就从外地赶回来了,要的就是配合你们的工作,如何呀?” 德格类察觉到他依然宿醉未醒,微微皱了下眉。




ishunde emu jergi antaharafi᠈ Degelei emu galai sencehe be sujame hendume:"enenggi meni jorin de᠈ emu burubuha hehe tacisi be sinde yargiyalaki sembi᠉ " sefi᠈ Tana i derengtu be tucibufi Minggantu de buhe᠉




互相寒暄一番过后,德格类托着下巴说:“今天我们来的目的是,有一个失踪的女学生,想跟您核实一下”,说完拿出了塔娜的照片递给了明安图。

















Minggantu juwe gala be ishunde sirefi derengtu be gaifi cincilaralame hendume:"bi ajigen ci emu cincilasi eici giyarici oki sefi᠈ baita icihiyame ehe gala be jafarangge᠈ absi horonggo! gūnihakū enenggi baita ichiyara nashūn be gaiha.....ere hehe tacisi yargiyan i saikan yebecungge nikai......ara᠈ bi gūnihabi᠈ bi imbe takaha! ere hehe aisilame holbošoro be yabumbi᠉"




明安图搓了搓双手,接过照片,一边仔细端详一边说:“我呀,从小就想当侦探或者警察,办案子,抓坏人,多威风!没想到呀,今天有机会办案了......这个女生长得真好看呀......哎呀,我想起来了,我认识她!这个女的是搞援交的。”




Fiyanggū Nihon i šu wen be sarangge komso ofi᠈ "aisilame holbošoro be yabumbi" sere be ulhirakū de᠈ Degelei fonjime:"sini gūnin de nungnebusi emu somishūn gise hehe inuo"




费扬武对日本文化知之甚少,不太明白“搞援交的”是什么意思。这时,德格类问道:“您的意思是,受害人是一个暗娼吗?”




Minggantu emu angga cai omifi uju gehešeme jabume:"inu᠈ bi hehesi de feliyeci᠈ urunakv soktoho manggi teni yabumbihe᠈ tuttu ofi tere inenggi i arbun be bi onggohobi᠈ damu tereci ebsi i urui minde medege falarade᠈ kemuni ini derengtu be falanjiha bihe᠉ si tuwa᠈ ere oci ini falanjiha derengtu᠉" sefi᠈ ini aššafun be tucibufi Degelei de buhe᠉




明安图喝了一口茶,点了点头,回答道:“是。我找女人,一定要在喝多了之后才干这事儿,所以那天的情形我是忘了,但从那之后她总给我发短信,还给我发她的自拍照.....你看,这就是她发的照片” 说着把手机拿出来递给了德格类。




Degelei aššafun be ailime gaifi᠈ Fiyanggū inu monggon sampi sasa tuwaki sembi᠉ tuwaci᠈ aššafun i iletuletun i dolo᠈ yala Tana i beye be joolaha derengtu bi᠉




德格类接过手机,费扬武也抻着脖子要一起看。两人一看,手机屏幕里,果真是塔娜的自拍照。




Degelei ere boconggo medege i nomir(tesu baita tucike fonde Wifi jai mergengge aššafun gemu akū ) be Tana i aššafun i nomir i emu songko seme serefi᠈ geli tese boconggo medege be falaha erin᠈ Tana i burubuha i onggolo bi seme yargiyalambi᠉




德格类发现,这条彩信的号码(本案发生之时,Wifi和智能手机都还没有出现)和塔娜的电话号码是一致的,又确定了这些彩信的发送时间是在塔娜失踪之前的。




Minggantu aimaka ambula huwekiyefi geli nonggime hendume:"damu minde  "umai emu hehe de juwenggeri feliyerakū" sere cohotoxvn bisirede᠈ tuttu ofi bi umai inde medege bederebuhekū᠉"




明安图好像有点兴奋,又补充道:“但我这个人有一个特点,就是一个女人绝不睡两次,所以我从来没回过她信息。”




Fiyanggū ferguweme fonjime:"tuttu oci si ainu ini derengtu be asarambio" serede᠈ jabume:"ini saikan yebecungge ofi bi ini derengtu meiteme jendehakū᠉"sefi᠈ Fiyanggū i baru emu "si ulhirengge" tuyembun arambi᠉




费扬武好奇地问:“那你为啥还存着她的照片呢?” 明安图答道:“她确实挺漂亮的,所以我舍不得删照片.....”说完,还冲着费扬武做了一个“你懂的”的表情。




Fiyanggū dolori kat kat šarinjarade᠈ Degelei simhun i jalan i deretu de udunggeri forifi᠈ Minggantu i baru udu oyonggo akū fonjin be fonjifi᠈ uthai ere jergi gisun be wajibuki seci᠈ ini aššafun guwengke᠉




费扬武心里大翻白眼,而德格类则是用指关节敲了几下桌子,又问了明安图几个不太重要的问题,正欲结束这番对话之时,他的手机响了。




gisurerede᠈ faksi erdemu i hontoho i Batu᠈ baita tucike inenggi i tuwašara helmefin de᠈ ele mila akū bime dahūre udu defelinggu be bahara jakade᠈ iletu  icihiyabuha bihe sefi᠈ geli hendume:"hoton i gerengge tuwašara helmešere siseten gemu butu forgošoro ofi᠈ terebe icihiyame muterengge toktofi hethešere k'ampan i dorgi niyalma ᠉"




通话里,技术科的巴图说,在出事那天的监控视频里找到了几帧不自然且重复的画面,显然是被处理过。他又说道:“市里的公共监控摄像系统都是闭路系统,所以能够进行处理的人,必定是运营公司的内部人员。”

















Degelei gisurere be wajibufi gejing gejing sere Minggantu be fudeme hokobufi Batu i baru gisurehe baktambun be Fiyanggū de alafi᠈ Fiyanggū yasa habtafi hendume:"tuwarade ehe gala oci᠈ doigomšome bodofi yabuhangge bime nerginde gūnin dekdekengge waka᠉ ai᠈ tere helmešere miyoocan be hethešere k'ampan be bi saha᠉ muse tere k'ampan de baicanaci acambi᠉''"




德格类结束了通话,把还在喋喋不休的明安图送走后,跟费扬武说起了巴图说的内容。费扬武眨巴眨巴眼睛:“这样看来,凶手是有预谋地作案,而不是临时起意了。哎,这个摄像头的运营公司我知道,咱们应该去那家公司查一查。”




Degelei uju gehešembi᠉ k'ampan i ejen be Kiyaktu sere be᠈ i “tengkime sambi“᠉




德格类点了点头。那家公司的老板名叫恰克图,他“清楚得很”。









dobori᠈ Degelei besergen de dedume bisirede᠈ ini aššafun de nomir be sara unde emu medege dosifi gisurerengge:




入夜,德格类正在床上躺着的时候,手机里进来了一条号码未知的短信:




"sini baihaname bisire hehe tacisi be K jafafi somiha"




“你正在找的那个女学生,被K抓住藏起来了”










本文新词解释:

  • k'ampan 公司:即英语company的音译。
  • nomir 号码:即俄语номер的音译。
  • siseten 系统/结构:来自庄吉发先生《满语童话故事》序言部分,疑为英语system的音译。

  4. nungnebusi 受害人:由nunggebumbi与-si后缀组合而成。

  5. mergengge 智能的:mergenngge本意为“贤达的”,引申为“智能的”。

  6. butu forgošombi 闭路、封闭循环:取自英语closed circuit。







                                             欢迎关注公众号“满语志”


发表于 2018-7-15 23:57:44 | 显示全部楼层
回复

使用道具 举报

发表于 2018-7-16 08:32:44 | 显示全部楼层
回复

使用道具 举报

您需要登录后才可以回帖 登录 | 马上加入

本版积分规则

小黑屋|客户端|Archiver|满族在线 |赞助本站

GMT+8, 2019-3-19 02:09 , Processed in 0.484375 second(s), 10 queries , Gzip On, MemCache On.

Powered by Discuz! X3.4

© 2001-2017 Comsenz Inc.

快速回复 返回顶部 返回列表