满族在线

 找回密码
 马上加入
查看: 600|回复: 0

[现当代文学] Sucungga的满语灵异故事(四)

[复制链接]
发表于 2018-6-6 21:23:07 | 显示全部楼层 |阅读模式
这一回再换个风格~
内容来自某道听途说的案件,当然经过大幅度的加工后,在文中出现的并非案件本身,时代背景等亦属假托,请勿对号入座。
如有逻辑硬伤或漏洞,请一概无视(笑)~
(如果看不到图,请上微信公众号看图,原图不在家里电脑上,万分抱歉)



kofi puseli i da eigen sargan᠈ "tere sargan jui musei puseli ci hokoro jakade umai encu ba akū "seme ilaci mudan toktobuhabi᠉

咖啡店老板夫妇,已经是第三次确认“那个女孩离开我们店的时候完全没有什么异常”了。

erungge giyarici Degelei᠈ 30 funcehe se oho haha᠈  gala de bisire fi be deretu de sindafi᠈ juwe galai mayan tunggen i juleri hiyahanjame emgeri sijilehe᠉ salu be gentuken i dasahakū dere de emu juru yar sere yasa jiberembi᠉

刑警德格类,三十出头的中年男子,把手里的笔放在桌子上,双臂交叉在胸前叹了一口气。胡子拉碴的脸上,眯缝着一双细长的眼睛。

puseli da nikeku mulan ci ilifi guise i amala genefi emu hūntahan i omisu dolafi Degelei de benjifi fonjime:"giyarici kani᠈ tere sargan jui yargiyan i auski akū burubuhabio? "

店老板从椅子上起身,到柜台的后面倒了一杯饮料,送给德格类,问道:“警察同志,那个女孩真的就一点动静都没有、就这么消失啦?”

eshun asihan giyarici waka ofi᠈ Degelei tob cirai jabume:"irgen niyalmai giyaricisa be akdarao᠉ baitai yargiyan be getuken i bahafi baicara onggolo᠈ ume fiyentehe gisun be banjibure eici ulara᠉ "sefi᠈ omisu be alime gaifi emu angga omiha᠉

德格类已经不是菜鸟警察了,非常严肃地答复老板:“请相信人民警察。在事实真相彻底查明之前,请不要相信谣言,更不要传播谣言。”说罢,接过饮料喝了一口。

puseli da hei hei seme injefi᠈ ini sargan i adame nikeku mulan de tehe᠉ Degelei uju gidafi debtelin bodotun i iletuletun de helmefin be tuwahai ere baitai arbun be merkirengge:

老板嘿嘿干笑了几声,在他老婆旁边的椅子上坐了下去。德格类低下头,看着笔记本电脑屏幕上的视频,回忆起了案件的情形:

"6 biyai ice 8᠈  inegggi amala 3:20 de᠈ emu Tana gebungge amba tacikvi hehe tacisi᠈ ere puseli de kofi omime wajifi duka tucifi puseli juleri hūtung deri amba giyai baru yaburede burubuhabi᠉"

”六月八号,下午三点二十,一个名叫塔娜的女大学生,在这家店里喝完咖啡出了门,沿着门前的胡同向大街方向走去的时候失踪了。“

"puseli i cin duka de emu helmešere miyoocan bime᠈ hūtung amba giyai de acaha ba i juwe dalbade emte helmešere miyoocan bi᠉ golobuhangge᠈ puseli i helmešere miyoocan Tana i hokoro be helmešehe gojime amba giyai juwe helmešere miyoocan fuhali umai ini arbun be bahakū sehe᠉"

“咖啡店的正门有一个摄像头,胡同出来和大街的交界路口处两侧各有一个摄像头。令人吃惊的是,店门口的这个摄像头拍到了塔娜离开的情况,但大街上的两个摄像头竟然什么都没拍到。”

"amba giyai juwe helmešere miyoocan i faidarangge᠈ yaya erinde urunakū hūtung ci tucire niyalmai arbun be singgebume mutembi᠉ tuttu oci Tana  hūtung be bahafi tucikekv " sehe᠉

“这大街上的两个摄像头的位置排列,任何时候都一定能拍到从胡同里出来的人的影像。也就是说,塔娜没能走出这条胡同。”

ūnitala᠈ Degelei uju tukiyefi tulesi ini gucu hafan Fiyanggū be karaki sembi᠉

想到这里,德格类抬起头,往外面望去,想看看他的同事费扬武。

1.8 miyeter i den i asihan giyarici Fiyanggū᠈ "gemu wacihiyame bacahabi᠈ ainu mimbe dahūn baicabumbio᠉ hūtung i juwe dalbai fu i den ici 3 miyeter funcehe de᠉ agūra de ertufi fu be dabanaci arkan ombi᠈ damu Tana be jafame fu be dabaki seci᠈ jalan i den fekure ujui uju jici inu muterakū " seme hūtung i dorgi de baicaralame bodomime bi᠉


一米八身高的年轻警察费扬武,正在胡同里一边检查,一边自言自语“全都查完了,干嘛又让我查一遍?胡同两侧的墙足有3米多高,利用工具还能勉强翻一翻,要是想抓着塔娜翻墙,世界跳高冠军来了也不好使啊!”

Degelei uju maribufi puseli da eigen sargan de dacilame:"yargiyan i aika jilgan be donjirengge akūn"

德格类回过头,询问店主夫妇:“真的没人听到什么声音?”

puseli da i sargan facihiyaxame jabume:"akū᠈ umai akū᠉ giyarici kasi᠈ erebe si juwan mudan fonjihabi᠉ musei puseli ajige ojoro jakade᠈ gemu gūlire antahasa i hūda be yabumbi᠉ tere inenggi i puseli i dorgi eiten gūlire antahasa de si emgeri fonjihabi᠈ aika jilgan be donjihanngge umai akū!" serede᠈ Fiyanggū puseli de dosika᠉

老板娘很烦躁:“没有,一个都没有。我说警察同志,这一点你已经问了十遍了。我们店是个小店,所以都是做熟客生意的。那天店里的回头客们,你都问遍了,没谁听到什么动静!”正说着,费扬武进来了。

šun i eldere de dere fularaka Fiyanggū᠈  Degelei i baru den fangkala i boolame xuxunggiyame:"sefu᠈ bi baicame wajiha᠉ hūtung i juwe dalbai fu be dabanara de hono mangga᠈ emu hehe be jafafi dabanara be hendure ba akū᠉ geli baitalaci ojoro agūra be bahakū᠉ "sefi᠈ geli nonggime:"ko sangga be seme bi inu baicame wajihabi᠉ nantuhūn mukei hvcin ofi dosime muterengge umai akū"sehe᠉

被太阳晒得脸发红的费扬武,向德格类小声耳语汇报“师父,我查完了。胡同两边的墙本来就翻起来不容易,抓着个活人翻那就更不可能了,而且也没找到什么工具”,说完,又补充了一句:“连下水道我都检查了,那是口污水井,不能进去人的。”

Degelei "juken᠈ si sektu oho" seme uju gidafi᠈ ilifi puseli da eigen sargan de banihalafi acaki sefi Fiyanggū be hūlafi emgi duka tucimbi᠉ amargici puseli da eigen sargan i sasa jabcame gasara jilgan ulanjiha᠉

德格类点点头“可以,你小子学聪明了”,就站起身来,向店主夫妇致谢告辞,带着费扬武出了门,身后传来了两人的齐声抱怨与哀叹。

hūtung deri yabucerede᠈ Fiyanggū᠈ Degelei de aika gūnin bio seme fonjici᠈ jabume:"emu de oci᠈ ilan inenggi dulefi ini booi niyalma de ulhiburengge akū ofi  jihai jalin huthubume jafaburengge waka"

沿着胡同行走的时候,费扬武问德格类有没有什么看法,后者回答说:“一来,三天过去了,还没人通知她家人,所以应该不是出于钱财动机实施绑架;”

"juwe de oci᠈ ulame uncara de dosici hono sain᠈ damu ulame uncara de dosici gaitai burubuha turgun akū᠈  tuttu oci᠈ niyalma imbe šabufi weile yabure ojoshūn ambakan"

“二来,如果进了传销组织那还算好的,但是进传销不会玩大变活人。所以,被人盯上、进而被侵害的可能性比较大。”

halhūn juwari bicibe᠈ hūtung i den fu šun i elden be dasire jakade dorgide kemuni farhūn buruhun oho᠉ Degelei hūtung i arbun be cincilame᠈ Tana gebungge hehe tacisi jiduji ai be dulembuhebio seme gūnihai᠈ uthai amba giyai jakade isinjiha᠉

虽然是酷暑,但胡同的高墙挡住了阳光,以致于里面还有些昏暗。德格类审视着胡同,心里想着那个叫塔娜的女学生到底经历了什么。想着想着,就到了大街上。




Fiyanggū galai erin i kemun be tuwafi "te 3:22 ohongge᠈ tere hehe tacisi an i tucike erin de tehereci acambi" seme gisurefi᠈ geli Degelei de fonjime:"muke usinggi dari tere puseli genefi kofi ombime᠈ wajifi geli 3:20 de erileme duka tucimbi᠉jalan de yargiyan i ini emu durun i erilerengge bio᠈ inde muribure nimeku bio "

费扬武看了眼手表“现在三点二十二,差不多就是那个女生平常从胡同出来的时间了”,又跟德格类问到:“每周三都去那个咖啡店喝咖啡,完了又准时在三点二十出门。世上真的有跟她一样这么守时的吗?有强迫症是怎么的?”

Degelei imbe tuwarakū bime᠈ ujui dergi de bisire juwe tuwašara helmešere miyoocan be šabuhai jabume:"uba guwali inu᠈  geli Tana i tacikv ci sandalabuhangge goro ofi᠈ i urunakū ere mudan i gerengge sukdujen be amcafi teni tacikv de bahafi bederembi᠉ ini usilan dari ubade jidere be gisureci᠈ ini cihan᠈ mende daljakū"  

德格类没看他,而是看着头顶上的两个监控摄像头“这里是郊区,又里塔娜的学校很远。她必须赶上这一班公交车,才能回学校。至于每周都来,人家乐意呗,咱又管不着。”

"ese juwe helmešere miyoocan᠈ ai turgunde fuhali helmexehekvn᠈ hocikosaka hehe tacisi ainahai burubuha ni" seme gūnifi᠈ Degelei᠈ Fiyanggū i baru fonjime:"faksi erdemu i kunggeri ci mejige jiheo"

“这两个摄像头,怎么就什么也没拍到呢?好端端的女学生,怎么就失踪了呢”,德格类想着,冲费扬武问了一句:“技术科那边有消息吗?”

Fiyanggū aššafun be fulhū ci tucibufi᠈ tohon be majige gidafi jabume:"Batu cembe defelinggu defelinggu i helmefin be sibkime tuwame bi sefi᠈ geli musebe ume šorgire sehe" sembi᠉

费扬武从口袋里掏出手机,按了几下按钮,回答说:“巴图说他们正一帧一帧地研究呢,还叫咱们别催。”

"ume šorgire....." seme gulurjefi᠈ Degelei emu asihan hehe be tunggalambi᠉ tere hehe oci᠈ Degelei takahangge᠈ burubuha Tana i giyalan gucu Harjol᠉ baita tucike sirame ineggi᠈ tese juwenofi uthai acanduhabi᠉

“别催.....”,德格类嘴里嘟囔着,正撞见一个年轻姑娘。这个姑娘,他认识,是失踪的塔娜的室友海兰珠。案发第二天,他俩就见过面了。

baita tucike bade tunggalarade᠈Degelei ferguweme fonjime:"gege si ai baita bifi jiheo"

在案发地点相遇,德格类有点奇怪,问海兰珠:“同学你来有什么事吗?“

Harjol dergi beyede emu šanyan gahari etufi᠈ fejergi de emu niohon hūsihan hūwaitarade᠈ tuwarade umesi saikan᠉ i šulu i funiyehe be bargiyafi hendume:"bi Tana be dolo tatabure ofi ubade jifi᠈ ini bederere be dolori ereki" sehe bihe᠉ sikse donjihade suwe ubade baicame wajifi hūtung i dolo dosici ombi sefi᠈ uthai jici᠈ gūnihakū sinde acaha᠉

海兰珠上身穿着一件白衬衫,下身穿着一条浅绿色裙子,挺好看的。她拢了拢鬓角“我担心塔娜,就想着来这里,盼着她平安回来。昨天听说你们在这里的调查结束了,胡同能进了,就来了,没想到和您遇上了。”

Fiyanggū imbe sabufi ekšeme jifi inde elhe be fonjirede᠈ Degelei ini gūnin be getuken i safi᠈ Harjol de gisun gisurere nashūn be jenduken i inde anahūnjaki serede᠈ Harjol sek seme jilgan be ambarabufi hendume:"giyaci agu᠈ tere inenggi suwe tacikv de genefi mende fonjire jakade᠈ bi gelefi emu baita be somifi suwende gelhūn akū alahakū bihe᠉ eneggi bi sinde alaki seme toktobumbi"

费扬武看见她,忙不迭地过来跟她打招呼。德格类知道他的心思,正想不动声色地把跟海兰珠说话的机会让给他的时候,海兰珠突然提高了声调说:“警察先生,那天你们来学校问我们话的时候,我太害怕了,有件事瞒着你们没敢说。今天我决定跟你们说了。”

Degelei jai Fiyanggū gemu sesulafi leheme fonjime:"ai seme si mende alaki sembio?"

德格类和费扬武都吃了一惊,问道:“你要告诉我们什么?”

Harjol emgeri ergen gaifi angga juwame:"ere ucuri Tana aimaka emu bayan i jui de hajilambihe᠈ bi urui ini bayan i jui de mejige falara be sabuha ni"

海兰珠吸了一口气,开口说道:“最近,塔娜好像和一个富二代关系很密切,我总是能看见她和那个富二代发信息呢。”

Fiyanggū ambula urgunjefi tacin i songkoi Harjol i meiren be tebelieki serede᠈ aldasi gerilefi giruhai gala bederebufi tere bayan i jui i gebu be inde fonjici᠈ Degelei i gūnin tebume Harjol be šame bisire de umai gūnin dosikakū᠉

费扬武乐坏了,习惯性地就要去抱海兰珠的肩,抱到半道尴尬了,赶忙收回手来,跟她问那个富二代的名字——他没看到,德格类正满怀心事地看着海兰珠。

本文新词解释:
  • helmešere miyoocan 摄像头:miyoocan本意为“枪”,本文取其形用以描述摄像设备。另外,当今的记者经常将手中的照相机、摄像机等戏称为“长枪短炮”,也很符合。
  • defelinggu 帧:defelinggu本意为量词“整幅”。“帧”是影像专业术语,其本意就是一幅之幅,遂用。



欢迎关注公众号“满语志”











































您需要登录后才可以回帖 登录 | 马上加入

本版积分规则

小黑屋|客户端|Archiver|满族在线 |赞助本站

GMT+8, 2018-11-20 16:09 , Processed in 0.250000 second(s), 8 queries , Gzip On, MemCache On.

Powered by Discuz! X3.4

© 2001-2017 Comsenz Inc.

快速回复 返回顶部 返回列表